Уште една наша репрезентација летово ќе има регионален настап

 

Создаваме национален тим за учество на женската кадетска Балканијадата

 

Македонските одбојкари до 17 години ги почнаа подготовките за настап на Балканското првенство во Лукавац, Босна и Херцеговина, коешто ќе биде одржано од 20-ти до 24-ти овој месец. Селекторот Даниел Аврамски, тренерот Александар Димовски и координаторката за женска одбојка кај нас, Емилија Терзиевска, вчера во салата “Форца” во Скопје, одржаа два селективни тренинга на коишто тестираа 23 одбојкарки од поширокиот список. Избраните 20 од денеска до 18-ти ќе работат во Битола, по што стручниот штаб ќе одреди 12 коишто ќе играат на претстојната Балканијада.

 

На турнирот во Лукавац, македонската репрезентација ќе биде во првата група и од 20-ти до 23-ти редоследно ќе се сретне со Албанија, со домаќинот Босна и Херцеговина и со Бугарија. Во втората група ќе се натпреваруваат Црна Гора, Србија и Романија, а во третата Турција, Косово и Грција. Првопласираните селекции и најдобрата втора ќе ја продолжат битката за медалите, а другите ќе се борат за пласман од петтото до десеттото место.

 

На Балканското првенство во Лукавац, право на настап имаат одбојкарки родени на 01.01.2002 и потоа.

Start a Conversation

Your email address will not be published. Required fields are marked *