Category: Куп на ОФМ

Без изненадувања, фаворитите обезбедија полуфинале во купот

 

Реваншите од четвртфиналето во македонскиот одбојкарски куп завршија со очекувани резултати коишто одговараат на квалитетот на екипите сезона, а беа и логично продолжување на епилогот на првите натпревари. Вардар жени 2019, Работнички Скопје и Струмица жени обезбедија настап во елитната четворка, исто како и Џио Струмица, Вардар и Шкендија, коишто му се придружија на Универзитет во Тетово во машкото полуфинале.

 

Од најдобриот квартет во првенството кај дамите, неизвесен е успехот на Јанта волеј Кисела вода во двомечот со Наковски волеј. Петтопласираниот тим во Првата лига го доби дуелот на свој терен со 3:0 во сетови, а доколку вечерва во Скопје освои барем еден, ќе го заработи билетот за полуфинале. За да биде во него, составот на Јанта волеј Кисела вода, којшто во шампионатот загуби само еден од десет натпревари, треба да победи со 3:0, а потоа и да го добие таканаречениот „златен сет“ до 15 поени.

 

Во машка конкуренција, во единствениот двомеч што понуди неизвесност, Шкендија го елиминираше ГОК Борец откако славеше и на вчерашниот реванш во Велес со 3:0, но со тесен резултат во сетовите. Претходно, тетовскиот тим дома триумфираше со 3:2, па прашањето за тоа кој ќе оди во наредната рунда беше отворено во текот на целата вчерашна средба. Џио Струмица и Вардар само го потврдија пласманот затоа што се радуваа против Лирија, односно против Штип УГД Штип и во возвратните натпревари, а Универзитет во Тетово ја прескокна Весна Пробиштип уште минатата недела.

 

Според правилата за натпреварување, полуфиналето треба да се игра исто така со два натпревара, но постои можност за одлука да биде организиран завршен турнир во двете конкуренции, со што би се овозможила поголема неизвесност во трката за престижниот пехар. Негови последни освојувачи во 2019 беа Џио Струмица и Работнички Скопје, а лани сезоната не заврши поради здравствените околности, па немаше доделување пехари.

 

Покрај натпреварите во купот, работниот дел од неделата одбојкарките на Македонија Макс и на Ускана го искористија за да го одиграат меѓусебниот натпревар од четвртото коло во Втората фаза-2, којшто беше одложен поради временските услови минатиот викенд. Поуспешна беше струмичката екипа со 3:0, на тој начин забележувајќи ја втората првенствена победа сезонава, за шесто место во Втората фаза-2. Ускана има биланс 4-6 и е четвртопласирана, што одговара на 10. место во конечното рангирање на крајот на 2020/21.

 

Македонски одбојкарски куп (1/4-финале-жени, реванши)

Вардар жени 2019* – Универзитет во Тетово 3:0 (25:10, 25:14, 25:14)
Работнички Скопје* – Пелистер волеј 3:1 (25:16, 25:17, 23:25, 25:15)
Струмица жени* – Јанта волеј Форца 3:0 (25:12, 25:17, 25:19)
Јанта волеј Кисела вода – Наковски волеј (денеска, 20.00)

Македонски одбојкарски куп (1/4-финале-жени, први натпревари)

Универзитет во Тетово – Вардар жени 2019 0:3 (19:25, 15:25, 12:25)
Наковски волеј – Јанта волеј Кисела вода 3:0 (25:23, 25:19, 26:16)
Пелистер волеј – Работнички Скопје 0:3 (13:25, 19:25, 19:25)
Јанта волеј Форца – Струмица жени 1:3 (18:25, 9:25, 26:24, 13:25)

Прва лига (жени), Втора фаза-2, (4.коло)

Македонија Макс – Ускана 3:0 (25:22, 25:16, 25:18)

Македонски одбојкарски куп (1/4-финале-мажи, реванши)

Џио Струмица* – Лирија 3:1 (25:17, 26:24, 22:25, 25:17)
Вардар* – Штип УГД Штип 3:1 (25:7, 22:25, 25:21, 25:21)
ГОК Борец – Шкендија* 0:3 (22:25, 21:23, 23:25)
Универзитет во Тетово* – Весна Пробиштип 3:0 (25:7, 25:17, 25:15)

Македонски одбојкарски куп (1/4-финале-мажи, први натпревари)

Лирија – Џио Струмица 0:3 (16:25, 14:25, 17:25)
Весна Пробиштип – Универзитет во Тетово 0:3 (18:25, 12:25, 12:25)
Шкендија – ГОК Борец 3:2 (17:25, 25:21, 25:18, 24:26, 15:9)
Штип УГД Штип – Вардар 0:3 (19:25, 13:25, 24:26)

Дилемите за полуфиналето на купот ќе се решаваат во Кисела вода и во Велес

 

Резултатите од првите четвртфинални натпревари во македонскиот одбојкарски куп оставија само две дилеми во врска со учесниците во елитната четворка во двете конкуренции. Кај дамите, Јанта волеј Кисела вода и Наковски волеј ќе ја продолжат битката во Скопје откако на првиот дуел струмичките одбојкарки славеа со 3:0. Доколку второпласираниот тим во првенството забележи идентична победа, тогаш ќе биде одигран „златен сет“ до 15 поени, а поуспешниот ќе оди едно скалило погоре во желбата да го освои престижниот трофеј. Поради гостинските триумфи на првите средби, а секако и знаејќи каква е разликата во квалитетот, Вардар жени 2019, Работнички Скопје и Струмица жени само формално треба да го потврдат пласманот во полуфиналето. По првиот сезонски пораз викендов во Првата лига, вардарки ќе го пречекаат Универзитет во Тетово, освојувачот на куп-титулата од 2019, Работнички Скопје, ќе се сретне со Пелистер волеј, а Струмица жени ќе сервира против Јанта волеј Форца.

 

Во машкиот сегмент, Џио Струмица и Вардар во реваншите со Лирија, односно со Штип УГД Штип ќе влезат со играчка и со резултатска предност којашто сугерира влез во полуфиналето, во коешто е веќе Универзитет во Тетово. Второпласираниот состав во шампионатот минатата недела двапати се радуваше на теренот на Весна Пробиштип и ја заврши работата според очекувањата, па неизвесност нуди единствено четвртфиналниот реванш меѓу ГОК Борец и Шкендија. На првото соочување тетовските одбојкари славеа во пет сета, а тоа сугерира дека велешкиот натпревар и конечниот резултат од овој двомеч се отворени прашања.

 

Во понудата за работниот дел од неделата ќе влезе и натпреварот меѓу Македонија Макс и Ускана од четвртото коло во Втората фаза-2 во Првата лига. Поради временските околности не беше одигран во првичниот термин минатиот викенд. Струмичките одбојкарки утре ќе играат за втората, а кичевските за петтата првенствена победа.

 

Македонски одбојкарски куп (1/4-финале-жени, реванши)

Вардар жени 2019 – Универзитет во Тетово (среда, 19.30)
Работнички Скопје – Пелистер волеј (среда, 20.00)
Струмица жени – Јанта волеј Форца (среда, 18.00)
Јанта волеј Кисела вода – Наковски волеј (четврток, 20.00)

Македонски одбојкарски куп (1/4-финале-жени, први натпревари)

Универзитет во Тетово – Вардар жени 2019 0:3 (19:25, 15:25, 12:25)
Наковски волеј – Јанта волеј Кисела вода 3:0 (25:23, 25:19, 26:16)
Пелистер волеј – Работнички Скопје 0:3 (13:25, 19:25, 19:25)
Јанта волеј Форца – Струмица жени 1:3 (18:25, 9:25, 26:24, 13:25)

Прва лига (жени), Втора фаза-2, (4.коло)

Македонија Макс – Ускана (среда, 20.00)

Македонски одбојкарски куп (1/4-финале-мажи, реванши)

Џио Струмица – Лирија (среда, 17.00)
Вардар – Штип УГД Штип (среда, 19.00)
ГОК Борец – Шкендија (среда, 19.30)
Универзитет во Тетово – Весна Пробиштип 3:0 (25:7, 25:17, 25:15)

Македонски одбојкарски куп (1/4-финале-мажи, први натпревари)

Лирија – Џио Струмица 0:3 (16:25, 14:25, 17:25)
Весна Пробиштип – Универзитет во Тетово 0:3 (18:25, 12:25, 12:25)
Шкендија – ГОК Борец 3:2 (17:25, 25:21, 25:18, 24:26, 15:9)
Штип УГД Штип – Вардар 0:3 (19:25, 13:25, 24:26)

Одбојкарите на Универзитет во Тетово се први полуфиналисти во купот

 

Шкендија и ГОК Борец го одиграа најнеизвесниот натпревар, Наковски волеј оствари убедлива победа над второпласираниот сосотав во првенството, а другите резултати беа според очекувањата во првата половина од четвртфиналето на македонскиот одбојкарски куп. Машкиот тим на Универзитет во Тетово веќе обезбеди пласман меѓу четирите најдобри откако двапати го совлада тимот на Весна Пробиштип без да загуби сет. Според меѓусебниот договор, двата меча беа одиграни во ист ден на теренот на пробиштипјани, па тетовци експресно ја завршија работата. Џио Струмица оствари гостинска победа со 3:0 кај Лирија, но влезот во полуфиналето треба да го потврди во реваншот за седум дена пред своја публика, а интересно ќе биде во Велес на дуелот меѓу ГОК Борец и Шкендија. Во првото четвртфинално соочување, Шкендија славеше со 3:2 на домашен терен, но резултатот покажува дека велешани можат да се надеваат дека ќе бидат во елитниот квартет, како што го стоија тоа и во Првата лига.

 

Кај дамите, сите досега одиграни три натпревари од четвртфиналето завршија во три сета. Водечката екипа во шампионатот, Вардар жени 2019, славеше кај Универзитет во Тетово, а третопласираниот Работнички Скопје ја потврди фаворитската улога во Битола против Пелистер волеј. Наковски волеј, пак, со ист резултат го доби одмерувањето на силите со Јанта волеј Кисела вода, по што на реваншот во Скопје, на второпласираниот тим во првенството му е потребна победа во три сета доколку сака да се избори за решавачки „златен сет“ до 15 поени за учество во полуфиналето. За да се најдат во него, на струмичките одбојкарки ќе им биде потребен само еден сет на гостувањето во Кисела вода. Првиот чин од четвртфиналниот двомеч екипите на Јанта волеј Форца и на Струмица жени ќе го одиграат денеска во Скопје, а во машка конкуренција, Штип УГД Штип и Вардар се договорија да го закажат воведниот меѓусебен натпревар в сабота.

 

Македонски одбојкарски куп (1/4-финале-жени, први натпревари)

Универзитет во Тетово – Вардар жени 2019 0:3 (19:25, 15:25, 12:25)
Наковски волеј – Јанта волеј Кисела вода 3:0 (25:23, 25:19, 26:16)
Пелистер волеј – Работнички Скопје 0:3 (13:25, 19:25, 19:25)
Јанта волеј Форца – Струмица жени (денеска, 20.00)

 

Македонски одбојкарски куп (1/8-финале-мажи, први натпревари)

Лирија – Џио Струмица 0:3 (16:25, 14:25, 17:25)
Весна Пробиштип – Универзитет во Тетово 0:3 (18:25, 12:25, 12:25)
Универзитет во Тетово – Весна Пробиштип 3:0 (25:7, 25:17, 25:15)
Шкендија – ГОК Борец 3:2 (17:25, 25:21, 25:18, 24:26, 15:9)
Штип УГД Штип – Вардар (сабота)

Наковски волеј и Шкендија ќе се обидат да ги урнат прогнозите во четвртфиналето на купот

 

Составен дел на фрекфентниот одбојкарски февруари се и четвртфиналните натпрервари од купот. Во претходната рунда немаше изненадувања, а и во фазата на најдобрите осум во двете конкуренции не се очекуваат големи резултатски потреси. Најголема незивесност кај дамите, а и воопшто, би можел да понуди двомечот меѓу поранешниот куп-финалист Наковски волеј и поранешниот македонски шампион Јанта волеј Кисела вода. Според досегашните настапи во првенството, скопскиот состав важи за фаворит затоа што има осум, наспроти четири победи на ривалот.

 

Во другите соочувања јасна е дистинкцијата на квалитативна основа којашто досега беше потврдена преку натпреварите во првенството. Вардар жени 2019, кој нема пораз сезонава, денеска ќе гостува кај Универзитет во Тетово, додека, пак, последниот освојувач на пехарот, Работнички Скопје, ќе истрча на теренот на Пелистер волеј. Четвртопласираниот тим во лигата, Струмица жени, прашањето за пласман во полуфиналето ќе се обиде да го реши уште на денешниот дуел кај Јанта волеј Форца.

 

Со оглед на правилата во ждрепката за одредување на двојките, дерби-натпревар нема ниту во машкото четвртфинале. Најуспешната екипа во последната деценија кај нас, Џио Струмица, во првиот натпревар од оваа етапа ќе игра со Лирија на гости, но каков и да биде резултатот, за формално потврден пласман ќе се чека на реваншот во салата „Парк“. Тоа не е случај со двомечот меѓу Весна Пробиштип и Универзитет во Тетово, затоа што екипите се договорија двата натпревара да ги одиграат во Пробиштип, па поуспешниот уште денеска ќе го потврди учеството во полуфиналето. Знаејќи го односот на силите, во него би требало да бидат и Вардар, кој в сабота ќе патува за пресметка со Штип УГД Штип, а најголема неизвесност ќе понуди одмерувањето на силите меѓу Шкендија и ГОК Борец. Велешани го совладаа противникот во лигата на гости со 3:0, успеаја да обезбедат влез во елитниот сегмент, па Шкендија ќе биде мотивирана да го возврати ударот и да обезбеди активен резултат за реваншот во Велес.

 

Македонски одбојкарски куп (1/4-финале-жени, први натпревари)

Универзитет во Тетово – Вардар жени 2019 (денеска, 18.00)
Наковски волеј – Јанта волеј Кисела вода (денеска, 18.00)
Пелистер волеј – Работнички Скопје (денеска, 18.30)
Јанта волеј Форца – Струмица жени (утре, 20.00)

 

Македонски одбојкарски куп (1/8-финале-мажи, први натпревари)

Лирија – Џио Струмица (денеска, 19.30)
Весна Пробиштип – Универзитет во Тетово (денеска, 18.30)
Универзитет во Тетово – Весна Пробиштип (денеска, 20.30)
Шкендија – ГОК Борец (денеска, 20.00)
Штип УГД Штип – Вардар (сабота)

Четвртфиналните двојки навидум споија фаворит и аутсајдер на хартија

 

Ждрепката за четвртфиналето на македонскиот одбојкарски куп не донесе дерби натпревари во фазата на најдобрите осум. Водечкиот тим во првенството, Џио Струмица, ќе игра со Лирија, второпласираниот Универзитет во Тетово ќе ги одмери силите со Весна Пробиштип, Штип УГД Штип ќе го предизвика Вардар, а Шкендија ќе бара влез во полуфиналето против ГОК Борец.

 

Кај дамите најнеизвесно би требало да биде во двомечот на Наковски волеј и на Јанта волеј Кисела вода, последниот освојувач, Работнички Скопје, ќе сервира против Пелистер волеј, Вардар жени против Универзитет во Тетово, а Струмица жени против Јанта волеј Форца. 

 

Термините за четвртфиналето се 10-ти и 17-ти овој месец, а доколку биде нерешено и со идентичен сет-количник, ќе одлучува таканаречен “златен сет” до 15 поени.

Без мака за фаворитите, Јанта волеј Форца и Пелистер волеј се радуваа во најнеизвесните натпревари

 

Со оглед дека двојките беа одредени според пласманот од есенскиот дел од сезоната, осминафиналното разигрување во македонскиот одбојкарски куп мина очекувано, со доминација на фаворитите. Работнички Скопје, Струмица жени, Наковски волеј, Универзитет во Тетово, Пелистер волеј и Јанта волеј Форца им се придружија на Вардар жени 2019 и на Јанта волеј Кисела вода во четвртфиналната фаза, во којашто, за разлика од почетната, ќе бидат играни два натпревара.

 

Во машка конкуренција, поради тоа што во сениорската лига настапуваат десет екипи, шест од нив автоматски обезбедија место меѓу осумте најдобри, а во осминафиналното разигрување учествуваа четири. Лирија беше поуспешна од Дибра волеј, а Весна Пробиштип го искористи домашниот терен против Јанта волеј, па тимот од Жеровјане и зелено-црните пробиштипјани ќе бидат дел од утрешната ждрепка за четвртфиналните двојки. Во неа се и шесте најдобропласирани на табелата во првенството: Џио Струмица, Универзитет во Тетово, Вардар, ГОК Борец, Шкендија и Штип УГД Штип.

 

Ждрепката ќе биде полудиригирана, а за тој дел се предвидени два меча. Доколку резултатот во победи е нерешен, а сет-количникот е идентичен, предвиден е таканаречен „златен сет“ до 15 поени. Истиот принцип ќе важи и за полуфиналето, доколку нема желба и одлука да биде органиизиран завршен турнир на елитниот квартет. Терминот за воведните натпревари од четвртфиналето е 10-ти овој месец, а реваншите ќе бидат закажани седум дена подоцна.

 

Македонски одбојкарски куп (1/8-финално разигрување-жени)

Работнички Скопје* – Бами Кор 3:0 (25:10, 25:7, 25:12)
Струмица жени* – Македонија Макс 3:0 (25:23, 25:17, 25:21)
Наковски волеј* – УГД Студент 3:0 (25:11, 25:20, 25:22)
Универзитет во Тетово* – Ускана 3:1 (25:23, 23:25, 25:13, 25:19)
Пелистер волеј* – Виктори волеј 3:1 (21:25, 25:22, 25:23, 25:21)
Фит фан волеј – Јанта волеј Форца* 2:3 (16:25, 25:19, 20:25, 25:21, 9:15)

 

Македонски одбојкарски куп (1/8-финално разигрување-мажи)

Лирија* – Дибра волеј 3:0 (25:13, 25:11, 25:14)
Весна Пробиштип* – Јанта волеј 3:0 (26:24, 25:19, 25:18)

Куп-натпреварите ја отвораат клупската сезона 2020/21

 

Откако годината почна со репрезентативен успех и со пласман на македонските одбојкари на Европското првенство годинава, а до нивната следна активност – учеството во Европската лига, на сцена повторно ќе биде домашната клупска одбојка. Вториот дел од календарот за сезоната 2020/21 ќе почне со куп-натпреварите, со осминафиналното разигрување во двете конкуренции, по што претстојниот викенд ќе продолжи првенството во двете сениорски лиги.

 

Со оглед дека во нашата женска одбојка има повеќе екипи, првата етапа од купот ќе биде пофрекфентна во однос на мажите. Ќе содржи шест натпревари во коишто ќе играат екипите пласирани од второто до седмото место во двете групи во есенската фаза од сезоната, а двете најдобри, Вардар жени 2019 и Јанта волеј Кисела вода, автоматски обезбедија учество во четвртфиналето. Во него ќе бидат и поуспешните од утрешните средби закажани на теренот на тимовите коишто имаа подобар пласман во првиот дел од првенството. Оттука, Работнички Скопје е голем фаворит против Бами Кор, исто како и Струмица жени во пресметката со Македонија Макс и Наковски волеј во соочувањето со УГД Студент. Универзитет во Тетово ќе се сретне со Ускана, а поголема битка може да се очекува на мечевите меѓу Пелистер волеј и Виктори волеј, односно меѓу Фит фан волеј и Јанта волеј Форца.

 

Како и кај дамите, реванши не се предвидени ниту во осминафиналното разигрување кај мажите. Лирија ќе се сретне со Дибра волеј, а Весна Пробиштип со Јанта волеј во единствените два натпревара од овој сегмент, додека, пак, во четвртфиналето веќе се шесте најдобри екипи од есенсата етапа од шампионатот: Џио Струмица, Универзитет во Тетово, Вардар, ГОК Борец, Шкендија и Штип УГД Штип.

 

Според правилата за натпреварување, за четвртфиналето е предвидена полудиригирана ждрепка, а за тој дел се предвидени два меча. Доколку резултатот во победи е нерешен, а сет-количникот е идентичен, предвиден е таканаречен „златен сет“ до 15 поени. Истиот принцип ќе важи и за полуфиналето, доколку нема желба и одлука да биде органиизиран завршен турнир на четирите најдобри.

 

Македонски одбојкарски куп (1/8-финално разигрување-жени)

Работнички Скопје – Бами Кор (утре, 17.00)
Струмица жени – Македонија Макс (утре, 17.00)
Наковски волеј – УГД Студент (утре, 18.00)
Универзитет во Тетово – Ускана (утре, 18.00)
Пелистер волеј – Виктори волеј (утре, 20.00)
Фит фан волеј – Јанта волеј Форца (утре, 20.00)

 

Македонски одбојкарски куп (1/8-финално разигрување-мажи)

Лирија – Дибра волеј (утре, 19.30)
Весна Пробиштип – Јанта волеј (утре, 20.00)

Универзитет во Тетово, Работнички Скопје и Јанта волеј Форца го потврдија полуфиналето во купот

 

Одбојкарките на Јанта волеј Форца беа поуспешни од Наковски волеј и во реваншот од четвртфиналето на нашиот одбојкарски куп. По победата со 3:0 на домашен терен во Скопје, на екипата од Кисела вода и беше потребен само еден сет за пласман во полуфиналето, но откако го освои, забележа уште еден успех против ланскиот финалист. На тој начин, Јанта волеј Форца остана во конкуренција за освојување на куп пехарот заедно со Работнички Скопје, којшто вчера вторпат славеше над Пелистер волеј, сега во својата сала, исто така, со 3:0. Меѓу четирите најдобри уште претходно влегоа составите на Вардар жени и на Струмица жени.

 

Особена резултатска неизвесност немаше ниту на машките дуели, па Универзитет во Тетово со два триумфа во три сета беше посупешен од Штип УГД Штип, на вчерашниот реванш пред своите навивачи. Џио Струмица и Лирија очекувано обезбедија полуфинален статус, а формално тоа треба да го направи и водечкиот во првенството Вардар, којшто обезбеди гостинска предност над Весна Пробиштип со 3:0. Реваншот од овој двомеч е закажан за в среда.

Одбојкарски куп на Македонија (мажи), четвртфинале мажи (реванши)

Универзитет во Тетово* – Штип УГД Штип 3:0 (25:23, 25:13, 25:15)
Лирија* – Шкендија 3:0 (25:14, 25:13, 25:13)
Џио Струмица* – Дибра волеј (службено 3:0)
Вардар – Весна Пробиштип (4.март)

 


Одбојкарски куп на Македонија (мажи), четвртфинале (први натпревари)
Дибра волеј – Џио Струмица (службено 0:3)
Весна Пробиштип – Вардар 0:3 (10:25, 15:25, 13:25)
Шкендија – Лирија 0:3 (17:25, 19:25, 17:25)
Штип УГД Штип – Универзитет во Тетово 0:3 (18:25, 18:25, 17:25)

 

Одбојкарски куп на Македонија (жени), четвртфинале (реванши)

Работнички Скопје* – Пелистер волеј 3:0 (25:10, 25:15, 25:15) 
Наковски волеј – Јанта волеј Форца* 0:3 (18:25, 19:25, 23:25) 
Струмица жени* – УГД Студент жени 3:1 (25:10, 25:12, 15:25, 25:17)
Вардар жени* – Виктори волеј 3:0 (25:11, 25:10, 25:17)


Одбојкарски куп на Македонија (жени) четвртфинале (први натпревари)

Пелистер волеј – Работнички Скопје 0:3 (10:25, 11:25, 16:25)
Јанта волеј Форца – Наковски волеј 3:0 (25:17, 25:23, 25:22)
УГД Студент жени – Струмица жени 1:3 (11:25, 26:24, 12:25, 11:25)
Виктори волеј – Вардар жени 0:3 (17:25, 4:25, 8:25)

Струмица жени и Лирија им се придружија на Џио Струмица и на Вардар жени во полуфиналето на купот

 

Според резултатите од првите натпревари од четвртфиналето на купот, како и квалитетот на екипите, во реваншите од оваа фаза би требало да има неизвесност само на пресметката меѓу Наковски волеј и Јанта волеј Форца. Струмичките одбојкарки лани играа во завршниот меч за пехарот, но доколку сакаат да останат на патот кон истиот успех, денеска треба да надополнат негатива од 3:0 од првата пресметка со скопските ривалки. Екипата на Јанта волеј Форца ја искористи домашната сала за победа со 3:0 минатата среда, така што сега и е потребен само еден сет за да се пласира меѓу четирите најдобри. Ако Наковски волеј успее да слави со 3:0 и со тоа да ја анулира предност на противничките, тогаш за пласман во полуфиналето ќе решава таканаречен „златен“ сет до 15 поени.

 

Во следната натпреварувачка рунда е дебитантот Струмица жени откако во четвртфиналето со две победи со 3:1 го елиминираше тимот на УГД Студент жени, на првото соочување во Штип, а на вчерашното пред своите навивачи. Полуфинален статус обезбеди и водечкиот во првенството, Вардар жени, којшто не загуби сет на двете пресметки со Виктори волеј, а фаворитската улога веќе ја потврди Работнички Скопје против Пелистер волеј. Бранителките на тронот во Битола славеа со 3:0, па резултатска формалност би требало да има денешниот реванш во главниот град.

 

Во машка конкуренција, ланскиот освојувач Џио Струмица службено го доби двомечот со Дибра волеј, а за годинашиот трофеј ќе продолжат да играат и одбојкарите на Лирија коишто двапати беа поуспешни во локалната пресметка со Шкендија со 3:0. Таква предност во средбите на гостински терен остварија и Вардар и Универзитет во Тетово, па на реваншите треба само да го потврдат пласманот во полуфиналето. Универзитет во Тетово денеска ќе го пречека составот на Штип УГД Штип, а Вардар на 4-ти март ќе се сретне со Весна Пробиштип.

 

Одбојкарски куп на Македонија (мажи), четвртфинале мажи (реванши)

Универзитет во Тетово – Штип УГД Штип (денеска, 18.00)
Лирија* – Шкендија 3:0 (25:14, 25:13, 25:13)
Вардар – Весна Пробиштип (4.март)
Џио Струмица* – Дибра волеј (службено 3:0)

Одбојкарски куп на Македонија (мажи), четвртфинале (први натпревари)

Дибра волеј – Џио Струмица (службено 0:3)
Весна Пробиштип – Вардар 0:3 (10:25, 15:25, 13:25)
Шкендија – Лирија 0:3 (17:25, 19:25, 17:25)
Штип УГД Штип – Универзитет во Тетово 0:3 (18:25, 18:25, 17:25)

 

Одбојкарски куп на Македонија (жени), четвртфинале (реванши)

Работнички Скопје – Пелистер волеј (денеска, 15.00)
Наковски волеј – Јанта волеј Форца (денеска, 18.00)
Струмица жени* – УГД Студент жени 3:1 (25:10, 25:12, 15:25, 25:17)
Вардар жени* – Виктори волеј 3:0 (25:11, 25:10, 25:17)

Одбојкарски куп на Македонија (жени) четвртфинале (први натпревари)

Пелистер волеј – Работнички Скопје 0:3 (10:25, 11:25, 16:25)
Јанта волеј Форца – Наковски волеј 3:0 (25:17, 25:23, 25:22)
УГД Студент жени – Струмица жени 1:3 (11:25, 26:24, 12:25, 11:25)
Виктори волеј – Вардар жени 0:3 (17:25, 4:25, 8:25)

Голема победа на Јанта волеј Форца во четвртфиналето на купот

 

Одбојкарките на Јанта волеј Форца славеа над Наковски волеј со 3:0 во првиот натпревар од четвртфиналето на македонскиот одбојкарски куп. Двократните шампионки максимално го искористија домашниот терен, па за пласман меѓу четирите најдобри потребен им е само еден сет на гостувањето во Струмица на реваншот наредната недела. Доколку сака да остане на патот на ланскиот успех кога играше во финалето, Наковски волеј треба да го добие тој натпревар со 3:0, а потоа и таканаречениот „златен“ сет до 15 поени. На другите средби во женска конкуренција, фаворитките лесно победија во туѓа сала. Бранителките на трофејот славеа во три сета против Пелистер волеј, Вардар жени на ист начин го победи Виктори волеј, а Струмица жени загуби сет, но триумфираше во Штип против УГД Студент жени.

 

Во машка конкуренција, Џио Струмица е веќе полуфиналист откако Дибра волеј претрпе службен пораз затоа што немаше доволен број одбојкари за мечевите во салата „Парк“. Клубовите се договорија да ги одиграат двата меча во Струмица, но воопшто немаше одбојка, па освојувачот на ланската двојна круна без борба ја мина оваа рунда. Формално тоа останува да го сторат и Вардар, Универзитет во Тетово и Лирија, коишто остварија победи на теренот на ривалите во првите пресметки. Ниту еден од нив не загуби сет, Вардар кај Весна Пробиштип, Универзитет во Тетово кај УГД Студент, а Лирија во локалната пресметка со Шкендија.

 

Одбојкарски куп (мажи), четвртфинале, први натпревари

Дибра волеј – Џио Струмица 0:3/0:3 (службен резултат)
Весна Пробиштип – Вардар 0:3 (10:25, 15:25, 13:25)
Шкендија – Лирија 0:3 (17:25, 19:25, 17:25)
УГД Студент – Универзитет во Тетово 0:3 (18:25, 18:15, 17:25)

 

Одбојкарски куп (жени), четвртфинале, први натпревари

Виктори волеј – Вардар жени 0:3 (17:25, 4:25, 8:25)
Пелистер волеј – Работнички Скопје 0:3 (10:25, 11:25, 16:25)
УГД Студент жени – Струмица жени 1:3 (11:25, 26:24, 12:25, 11:25)
Јанта волеј Форца – Наковски волеј 3:0 (25:17, 25:23, 25:22)

***Реваншите се закажани за 26. февруари