Во десеттото коло од Првата женска одбојкарска лига сите погледи се насочени кон Струмица каде што денеска Наковски волеј ќе го пречека тимот на Јанта волеј Кисела вода. На теренот кај ривалките, актуелните шампионки ќе истрчаат со шест победи на осум настапи досега, а Наковски е втор со биланс 7-1. Единствениот пораз го прерпеод водечката екипа Работнички Скопје којашто утре е фаворит за деветтиот сезонски триумф во соочувањето со Универзитет во Тетово. Во водечкиот квартет и натаму е Струмица жени по лесниот натпревар со ланскиот финалист Вардар жени, со напомена дека домашниот тим сега има пет победи и се доближи до третопласираниот состав на Јанта волеј Кисела вода. Пелистер волеј и натаму е петти без огледшто загуби на свој терен од Фит фан волеј со 3:0. Двата тима имаат по тритриумфи, но битолчанки досега заработија повеќе бодови

Во второлигашката конкуренција кај дамите, Македонија Макс и вардар ЕМ ја продолжија успешната низа и во седмото коло. Струмичанки серадуваа кај ТЕ волеј, а скопјанки дома над Виктори волеј, па водечките екипи имаатист ефект и во поглед на победите, но и според бодовите. Тоа важи и за Ускана иза Младост УГД, со тоа што штипјанки беа слободни викендов, а одбојкарките од Кичево очекувано ја запишаа четвртата сезонска победа во пресметката со Куманово. Резултатски највозбудливо беше на дуелот меѓу Јанта волеј Форца и Бами Кор затоа што траеше пет сета, а тетовки направија комплетен пресврт откако домашната екипа поведе со 2:0.    

Трите досегашни натпревари од десеттото коло во најсилната машка одбојкарска конкуренција завршија со очекувани резултати. ГОК Борец славеше во три сета кај Јанта волеј и е второпласиран зад водечката Струмица 47&72 којашто има максимални седум победи. Со пет е Универзитет во Тетово по триумфот над Дибра волеј, исто така со 3:0, а Вардар е на половичен биланс 4-4 со оглед дека успешната серија ја продолжи ипротив Македонија Џио. Актуелниот првак и сегашен лидер ќе се сретне со Лирија во некој друг термин, а поради турнирот во организација на Шкендија, одложен бешеи нејзиниот меч против Весна Пробиштип.

Прва лига (мажи), 10.коло

Струмица 47&72 – Лирија                               (одложен)

Шкендија – Весна Пробиштип                        (одложен)              

Универзитет во Тетово – Дибра волеј            3:0 (25:13, 25:21, 25:14)

Вардар – Македонија Џио                              3:0 (25:13, 25:10, 25:7)

Јанта волеј – ГОК Борец                                 0:3 (20:25, 17:25, 14:25)

***Слободнае екипата на Штип УГД

Прва лига (жени), 10.коло

Струмица жени – Вардар жени                             3:0 (25:11, 25:17, 25:13)

Пелистер волеј – Фит фан волеј                         0:3 (15:25, 21:25, 20:25)

Наковски волеј – Јанта волеј Кисела вода           (денеска, 18.00, МРТ-3)

Работнички Скопје – Универзитет во Тетово       (утре,17.00)   

Втора лига (жени), 7.коло

ТЕ волеј – Македонија Макс                         0:3 (21.25, 17.25, 15:25)

Вардар ЕМ – Виктори волеј                           3:0 (25:20, 25:16, 25:13)

Ускана – Куманово                                        3:0 (25:15, 25:11, 25:21)

Јанта волеј Форца – Бами Кор                      2:3 (25:19, 25:21, 23:25, 21:25, 11:15)

**Слободна беше екипата на Младост УГД

И покрај тоа што нема да настапи во вообичаениот прволигашки термин, водечкото место на екипата на Струмица 47&72 нема да биде доведено во прашање без разлика на резултатите од другите натпревари од десеттото коло во Првата македонска машка одбојкарска лига. Актуелниот првак досега оствари максимални седум победи, а со две помалку се дури четири тима, меѓу нив и Лирија, која е противник на струмичани во оваа рунда од шампионатот. Одложен е и мечот меѓу Шкендија и Весна Пробиштип, исто така, со влијание на горниот делна табелата затоа што тетовци се на биланс 5-2, а зелено-црните славеа трипатии се уште имаат шанса за пласман меѓу првите шест, а со тоа и во Втората фаза-1напролет. Со таква амбиција е и Вардар кој е во серија од три успеси и доколкусе радува против Македонија Џио, што е реална опција, ќе има половичен ефект поосум натпревари, но и натаму ќе биде неизвесно дали ќе влезе во елитниот дел. Засега таму е Штип УГД, кој е слободен, а пет победи пред гостувањето кај Јанта волеј има и ГОК Борец.

Кај дамите, Работнички Скопје ќе го брани максималното остварување против Универзитет во Тетово на свој терен во вторник. Ако Наковски волеј биде подобар во дербито со Јанта волеј Кисела вода ден пред тоа пред камерите на МРТ-3 од 18 часот, тогаш најверојатно ќе остане на победа помалку од најуспешниот тим досега. Доколку актуелните првенки се вратат со успех од гостувањето кај ривалките, тогаш и тие, а и Наковски волеј ќе имаат по два триумфа негатива во однос на водечката екипа. Четвртопласирана на табелата е Струмица жени која ќе го пречека составот на Вардар жени со цел да дојде допеттиот сезонски успех, а Пелистер волеј и Фит фан волеј во Битола ќе одиграат натпревар за да ги задржат шансите за место во најдобриот квартет.

Во Втората лига кај дамите, Македонија Макс и Вардар ЕМ ја продолжуваат трката за првата позиција и по седмото коло. Струмичките одбојкарки ќе гостуваат кај ТЕ волеј, а скопските ќе го пречекаат Виктори волеј. Третопласираниот Младост УГД, кој има победа помалку во споредбасо водечките, е слободен, па тоа е шанса за Ускана да се изедначи со штипјанки со по четири победи во случај да ја потврди фаворитската улога против Куманово.Јанта волеј Форца ќе го пречека Бами Кор со надеж дека не само што ќе го задржи петтото место, туку и ќе го одржи чекорот со засега четвртопласираната Ускана.  

Прва лига (мажи), 10.коло

Струмица 47&72 – Лирија                               (одложен)

Шкендија – Весна Пробиштип                        (одложен)              

Универзитет во Тетово – Дибра волеј            (сабота, 19.00)

Вардар – Македонија Џио                              (сабота, 18.00)

Јанта волеј – ГОК Борец                                 (сабота, 20.00)

***Слободнае екипата на Штип УГД

Прва лига (жени), 10.коло

Струмица жени – Вардар жени                            (сабота, 19.00)

Пелистер волеј – Фит фан волеј                         (сабота, 15.00)

Наковски волеј – Јанта волеј Кисела вода          (понеделник, 18.00, МРТ-3)

Работнички Скопје – Универзитет во Тетово       (вторник,17.00)   

Втора лига (жени), 7.коло

ТЕ волеј – Македонија Макс                           (сабота, 18.00)

Вардар ЕМ – Виктори волеј                            (сабота, 15.00)

Ускана – Куманово                                          (сабота, 13.00)

Јанта волеј Форца – Бами Кор                       (сабота, 18.00)

**Слободна е екипата на Младост УГД

Осмото коло во најсилната македонска машка одбојкарска конкуренција имаше предвидлив тек. На четири натпревари резултатот беше 3:0, а славеа домаќините, а тоа значи дека актуелниот првак, Струмица 47&72, го задржа максималниот ефекти сега има седум победи. ГОК Борец на второто место заработи пет пред денешното гостување кај Вардар, кој по почетните четири порази забележа два триумфа и се надева на пласман меѓу првите шест, а со тоа и во Втората фаза-1 напролет. Од велешани и од црвено-црните се очекува надигрување и привлечна одбојкарска претстава којшто љубителите на спортот ќе можат да ја проследат и на МРТ-3 каналот од 17 часот и 55 минути. Доколку вардарци ја остварат целта, ќе ја направат поинтересна трката за влез во елитниот сегмент во кој што учествува и Универзитет во Тетово со четири успеси, последниот во саботниот директен дуелсо Весна Пробиштип која е на биланс 3-4. Покрај шесто пласираниот Универзитет во Тетово, во посакуваното друштво засега се и Штип УГД, Шкендија и Лирија со по пет триумфи. Иако одмораше во оваа првенствена рунда, Лирија се израдува на петтата победа сезонава затоа што Извршниот одбор на ОФМ донесе одлука да го регистрира спорниот натпревар со ГОК Борец со постигнатиот резултат, однсоно со3:2 за тимот од Жеровјане. Тоа значи дека велешани ќе влезат во денешната пресметка со Вардар од второто место затоа што имаат подобар сет-количник од Штип УГД, но промената на позициите во оваа конкуренција може да биде честа сооглед дека до крајот на есенскиот дел ќе има соочувања на директните ривали за подобро рангирање.

Очекуван беше расплетот и на четирите средби од осмото коло во Првата лига кај одбојкарките. Работнички Скопје ја совлада Струмица жени во четири сета во пресметката на ланските полуфиналистки, а сотоа остана на чело на табелата со максимални осум победи. Наковски волеј има седум откако славеше над Универзитет во Тетово, а шампионките од Јанта волеј Кисела вода се трети со ефект 6-2 по триумфот кај Фит фан волеј. Во Битола Пелистер волеј се радуваше против вицепрвакот Вардар жени и сега е на една победа до четврто пласираниот состав на Струмица жени. На прв поглед битката за местово водечкиот квартет и за настап во Втората фаза-1 е отворена иако струмичанкија носат фаворитската улога.

Во Втората лига (жени), Вардар ЕМ е осамена наврвот затоа што ја заврши работата на гости кај Куманово за биланс 5-0, аМакедонија Макс првпат загуби сезонава, во пресметката со Јанта волеј Форца во трисета. Младост УГД ја доби резултатската нишалка со Бами Кор во Тетово, па сегаима четири победи идентично како Македонија Макс, додека, пак, ТЕ волеј сераудваше вторпат по ред, сега на теренот на Виктори волеј во неизвесен дуел сопет сета.

Прва лига (мажи), 8.коло

Струмица 47&72 – Македонија Џио                 3:0 (25:9, 25:13, 25:14)

Универзитет во Тетово – Весна Пробиштип   3:0 (25:21, 25:22, 25:21)             

Штип УГД – Дибра волеј                                      3:0 (25:19, 25:22, 25:21)

Шкендија – Јанта волеј                                       3:0 (25:15, 25:20, 25:15)

Вардар – ГОК Борец                                           (денеска, 18.00, пренос МРТ-3)

***Слободнабеше екипата на Лирија

Прва лига (жени), 8.коло

Работнички Скопје – Струмица жени                     3:1 (26:28, 25:21, 25:10, 25:18)

Наковски волеј – Универзитет во Тетово              3:1 (25:21, 23:25, 25:14, 25:22)  

Фит фан волеј – Јанта волеј Кисела вода             0:3 (21:25, 18:25, 13:25)

Пелистер волеј – Вардар жени                                3:0 (25:21, 25:14, 25:19)    

Втора лига (жени), 6.коло

Македонија Макс – Јанта волеј Форца         0:3 (21:25, 18:25, 13:25)

Куманово – Вардар ЕМ                                     0:3 (6:25, 17:25, 7:25)

Бами Кор – Младост                                         2:3 (19:25, 17:25, 25:15, 25:17, 11:15)

Виктори волеј – ТЕ волеј                                  2:3 (23:25, 28:26, 19:25, 25:22, 12:15)

**Слободна беше екипата на Ускана

 

Се заострува трката за пласман во Втората фаза-1, па од тој аспект значајни се речиси сите натпревари од осмото коло во Првата машка одбојкарска лига. Актуелниот првак Струмица 47&72 е апсолутен фаворит во градското дерби со Македонија Џио за да го задржи максималниот ефект и да се израдува на седмата сезонска победа, а за шестата ГОК Борец ќе истрча на теренот на Вардар, кој по серијата порази забележа две победи и се уште сенадева дека може да биде во првите шест по есенскиот дел. Оттука, тоа е изборотна МРТ за пренос од оваа рунда во шампионатот, во којшто Универзитет во Тетово и Весна Пробиштип ќе се надмудруваат за четвртиот триумф, Штип УГД против Дибраволеј го планира петтиот, а со иста цел Шкендија ќе сервира против Јанта волеј. Лирија одмора, а тоа значи дека барем засега ќе остане на четири победи, но сепак има голема шанса да игра во елитниот сегмент во натпреварувачката 2021/22.

Кај дамите, досегашните резултати покажаа дека има стриктна поделба на квалитетот на екипите коишто конкурираат за позиции во Втората фаза-1. Работнички Скопје ќе ја пречека Струмица жени во пресметката на првиот и на четвртопласираниот тим во најквалитетната конкуренција, со забелешка дека скопскиот тим има максимални седум победи, а ланските полуфиналистки ќе се обидат да изненадат и да ја заработат петтата. Шампионките од Јанта волеј Кисела вода ќе гостуваат кај Фит фан волеј со желба да го остварат шестиот успех и да останат чекор зад Наковски волеј, кој вчера ја заврши работата во осмото коло со триумф над Универзитет во Тетово во четири сета. Наковски сега има биланс 7-1 и го презеде првото место поради бод повеќе од Работнички Скопјекој има меч помалку. Во втората половина од табелата Пелистер волеј ќе го пречека вицепрвакот Вардар настапувајќи од фаворитска улога затоа што досега забележа две, а скопската екипа ниту една победа.

Во Втората лига, Македонија Макс и Вардар ЕМ засега не знаат за неуспех, чекорат сигурно и се единствени со максимално постигнување. За петтата победа сезонава, вардарки ќе гостуваат кај дебитантот Куманово, кој не славеше ниту еднаш, а струмичката екипа ќе ја пречека Јантаволеј Форца. Бами Кор ќе го пречека Младост УГД и ќе се обиде да се изедначи сопротивничките со по три триумфи, а тоа важи и за Виктори волеј во пресметката со ТЕ волеј, со напомена дека во тој случај двата тима би имале една победа по шестото коло.

Прва лига (мажи), 8.коло

Струмица 47&72 – Македонија Џио               (сабота, 13.00)

Универзитет во Тетово – Весна Пробиштип  (сабота, 18.00)                   

Штип УГД – Дибра волеј                                     (сабота, 14.00)

Шкендија – Јанта волеј                                      (сабота, 18.00)

Вардар – ГОК Борец                                          (понеделник, 18.00, пренос МРТ-3)

***Слободнае екипата на Лирија

Прва лига (жени), 8.коло

Работнички Скопје – Струмица жени                     (денеска, 20.00)            

Наковски волеј – Универзитет во Тетово        3:1 (25:21, 23:25, 25:14, 25:22)  

Фит фан волеј – Јанта волеј Кисела вода             (сабота, 14.30)

Пелистер волеј – Вардар жени                                (сабота, 15.00)     

Втора лига (жени), 6.коло

Македонија Макс – Јанта волеј Форца             (сабота, 14.00)

Куманово – Вардар ЕМ                                         (сабота, 11.30)

Бами Кор – Младост                                             (сабота, 14.00)

Виктори волеј – ТЕ волеј                                      (сабота, 16.00)

**Слободна е екипата на Ускана

Одбојкарките на Работнички Скопје денеска ќе го бранат максималниот биланс од шест победи во Првата лига на гостувањето кај актуелните првенки од Јанта волеј Кисела вода. Скопскиот дуел од 19 часот и 55 минути пред камерите на МРТ-3 ќе биде еден од двата натпревара на водечката четворка во најквалитетната македонска конкуренција во рамки на седмото коло. Во првиот Наковски волеј годоби градскиот меч со Струмица жени со 3:0 и се врати на триумфален пат по поразот од водечката екипа Работнички Скопје минатата недела. Успешен настап имаше и Фит фан волеј против ланскиот финалист Вардар жени, како и Универзитетво Тетово на теренот на Пелистер волеј.

Во второлигашкото друштво кај дамите, Македонија Макс и Вардар ЕМ и натаму се без грешка откако во петтото коло струмичанки славеа на гости кај Младост УГД во три, а скопјанки на свој терен над Ускана вочетири сета. Јанта волеј Форца се радуваше над Виктори волеј во неизвесен натпревар кој што траеше пет сета, а во соочувањето на дебитантите, ТЕ волеј беше поуспешен од Куманово со 3:0

Кај одбојкарите, Струмица 47&72 немаше проблеми кај Весна Пробиштипи остана единствена екипа без пораз. Шампионот има 6-0, а зад него е ГОК Борец кој триумфираше над Универзитет во Тетово и значајна победа во битката запласман во Втората фаза-1 напролет оствари Вардар против Јанта волеј. Од тој аспект, иако очекувани, значајни се успешните настапи на Штип УГД кај Македонија Џио и на Лирија кај Дибра волеј.

Прва лига (мажи), 7.коло

Весна Пробиштип – Струмица 47&72          0:3 (16:25, 17:25, 17:25)

ГОК Борец – Универзитет во Тетово           3:2 (22:25, 17:25, 28:26, 25:22, 15:11)

Македонија Џио – Штип УГД                          0:3 (14:25, 15:25, 11:25)

Дибра волеј – Лирија                                      0:3 (13:25, 18:25, 15:25)

Јанта волеј – Вардар                                       0:3 (14:25, 19.25, 17:25)

***Слободнабеше екипата на Шкендија

Прва лига (жени), 7.коло

Наковски волеј – Струмица жени                   3:0 (25:23, 25:22, 25:19)       

Пелистер волеј – Универзитет во Тетово     2:3 (25:15, 23:25, 18:25, 25:23, 12:15)  

Фит фан волеј – Вардар жени                        3:1 (25:15, 23:25, 25:19, 25:17)

Јанта волеј КВ – Работнички Скопје                     (денеска, 20.00, МРТ-3)  

   

Втора лига (жени), 5.коло

Младост УГД – Македонија Макс                       0:3 (17:25, 15.25, 17.25)

Вардар ЕМ – Ускана                                              3:1 (25:20, 25:22, 15:25, 25:17)

Јанта волеј Форца – Виктори волеј                   3:2 (21:25, 22:25, 25:23, 25:21, 15:8)

ТЕ волеј – Куманово                                             3:0 (25:11, 25:7, 25:20)

**Слободна беше екипата на Бами Кор

Со триумфи над тетовските ривали, актуелниот македонски одбојкарски првак ја покажа амбицијата и сезонава да ги задржи двете титули. Оттука, тешко е да се поверува дека екипата на Струмица 47&72 може да има проблеми на гостувањето кај Весна Пробиштип иако зелено-црните досега остварија три победи на пет натпревари, а тоа значи дека се во конкуренција за пласман во Втората фаза-1. Во реална трка се седум, па и осум тимови, со напомена дека сеуште нема јунак којшто ќе може да го оспори водечкото место на струмичани. ГОК Борец е најблиску до шампионот со биланс 4-1, а доколку слави над Универзитетво Тетово, не само што ќе остане зад лидерот, туку и ќе направи предност од победа над слободната Шкендија, како и две во споредба со билансот на утрешниот противник. Во седмото коло Штип УГД е фаворит на теренот на Македонија Џио,исто како и Лирија против Дибра волеј, односно Вардар кај Јанта волеј, така што во случај да нема изненадувања, црвено-црните ќе ги достигнат двете победи на саботниот ривал, а штипјани и Лирија ќе имаат по четири, што ќе значи можност да напредуваат на табелата.

Во Првата лига (жени), во оваа првенствена сесија најинтересни се натпреварите во водечкиот квартет. Локалното дерби меѓу Наковскиволеј и Струмица жени е пресметка на втората и на четвртата екипа, како една од можните варијанти дури и за полуфинале во разигрувањето без оглед што се уште е рано да се размислува во таа насока. Струмица жени е на 4-2, додека, пак, Наковски има ефект 5-1 откако загуби од Работнички Скопје, кој е единствен со максималнишест победи. Неговата серија ќе се обидат да ја запрат првенките од Јанта волеј Кисела вода во понеделничката средба пред камерите на МРТ-3 од 19 часот и 55минути. Во тоа соочување на скопските ривалки, Јанта волеј КВ ќе сервира со биланс5-1, но и со бод помалку од Наковски волеј, па затоа е третопласиран пред утрешните дуели, во коишто во Пелистер волеј ќе го пречека Универзитет воТетово со надеж за трета победа, а Вардар жени против Фит фан волеј ќе игра за прварадост во натпреварувачката 2021/22.

Стандардниот одбојкарски термин ги содржи и натпреварите од петтото коло во второлигашката конкуренција кај дамите.  Младост УГД и Македонија Макс ќе ги одмератсилите за четврта победа, со три досега се и Вардар ЕМ и Ускана, па и нивниот меѓусебен меч ќе има идентична тежина. Јанта волеј Форца има два триумфа и е фаворит против Виктори волеј, кој нема ниту една, а сигурно е дека утре премиерната ќеја оствари поуспешниот од соочувањето на дебитантите ТЕ волеј и Куманово.

Прва лига (мажи), 7.коло

Весна Пробиштип – Струмица 47&72          (сабота, 18.00)

ГОК Борец – Универзитет во Тетово           (сабота, 20.00)            

Македонија Џио – Штип УГД                          (сабота, 14.00)

Дибра волеј – Лирија                                       (сабота, 19.00)

Јанта волеј – Вардар                                         (сабота, 19.30) ***Слободна е екипата на Шкендија

Прва лига (жени), 7.коло

Наковски волеј – Струмица жени                      (сабота, 18.00)          

Пелистер волеј – Универзитет во Тетово       (сабота, 13.00)  

Фит фан волеј – Вардар жени                           (сабота, 14.30)

Јанта волеј КВ – Работнички Скопје                  (понеделник, 20.00, МРТ-3)      

Втора лига (жени), 5.коло

Младост УГД – Македонија Макс                       (сабота, 16.00)

Вардар ЕМ – Ускана                                              (сабота, 15.00)

Јанта волеј Форца – Виктори волеј                   (сабота, 17.30)

ТЕ волеј – Куманово                                              (сабота, 18.00)

**Слободна е екипата на Бами Кор

Актуелниот првак уште еднаш потврди дека е доминантен во македонската одбојка, а се поголема е мешаницата во трката за влез во Втората фаза-1 напролет. Струмица 47&72 славеше над ГОК Борец во три сета со само 37 загубени поени во пресметката на двете непоразени екипи до шестото коло во Првата лига (мажи), па отсега е осамена на врвот со пет победи. Велешани го задржаа второто место затоа што имаат бод повеќе од Шкендија која го претрпе вториот сезонски пораз, овој паткај Вардар со 3:1. За ланскиот полуфиналист ова беше прв триумф во натпреварувањето по почетните четири загубени меча, но со оглед на странските засилувања, црвено-црните може да ги направат особени интересни претстојните пет рунди од есенскиот дел затоа што сега и тие се кандидати за пласман меѓу првите шест. Во тоа друштво е и вицешампионот Универзитет во Тетово кој ја предводи низата од четири екипи со по три победи. Тетовци очекувано се радуваапротив Јанта волеј, Штип УГД го доби локалното соочување со Весна Пробиштип, истокако и Лирија против Македонија Џио. Тоа значи дека Универзитет во Тетово,Лирија, Штип УГД и Весна Пробиштип се на делба од 4-то до 7-то место, со победа помалку од ГОК Борец и од Шкендија, но со две победи предност пред Вардар кој исто така има амбиција да настапи во главниот натпреварувачки сегмент позимската пауза.

Кај дамите постои појасна нивелација на квалитетот кога се во прашање најдобрите четири екипи. Првенките од Јанта волеј Кисела вода на Вардар жени му го нанесоа шестиот пораз сезонава, па според билансот (5-1), се изедначија со Наковски волеј. Откако загуби во дербито во вторникот од Работнички Скопје, струмичкиот тим е на второто место поради поголем број бодови од Јанта волеј КВ, а во елитниот квартет е и Струмица жени со ефект4-2. Во шестото коло на Првата лига (жени), полуфиналистот од минатотопрвенство немаше проблеми со Пелистер волеј, а четири сета одигра Универзитетво Тетово и Фит фан волеј. Скопскиот состав беше поуспешен и ја напушти последната позиција искачувајќи се на шестото место на табелата.

Прва лига (мажи), 6.коло

Струмица 47&72 – ГОК Борец                       3:0 (25:10, 25:14, 25:13)

Вардар – Шкендија                                                       3:1 (25:17, 22:25, 25:20, 25:23)         

Штип УГД – Весна Пробиштип                       3:0 (27:25, 25:18, 25:22)

Лирија – Македонија Џио                                3:0 (25:14, 25:19, 25:11)

Универзитет во Тетово – Јанта волеј          3:0 (25:13, 25:22, 25:22)

***Слободнае екипата на Дибра волеј

Прва лига (жени), 6.коло

Работнички Скопје – Наковски волеј                3:1 (25:13, 22:25, 25:15, 25:19)   

Вардар жени – Јанта волеј КВ                           1:3 (27:25, 17:25, 17:25, 18:25)      

Струмица жени – Пелистер волеј                    3:0 (25:14, 25:16, 25:17)  

Универзитет во Тетово – Фит фан волеј          1:3 (24:26, 23:25, 25:17, 21:25)  

Одбојкарките на Работнички Скопје се единствени без пораз во најквалитетната македонска одбојкарска конкуренција откако се радуваа со 3:1 (25:13, 22:25, 25:15, 25:19) против Наковски волеј во шестото првенствено коло. Скопската екипа подобро го отвори дербито, струмичанки се вратија, но РаботничкиСкопје потоа беше комотен за биланс 6-0. Наковски волеј го претрпе првиот порази го загуби водечкото место, но ќе остане втор без разлика на резултатите од денешните средби во оваа рунда од шампионатот. Јанта волеј Кисела вода е фаворит натеренот на Вардар жени, но и со максимална победа, поради помал број бодови, ќе биде третопласиран, а Струмица жени на свој терен против Пелистер волеј ќе се обиде да направи клучен чекор во заокружувањето на првата четворка на табелата. Доколку ланските полуфиналистки ја искористат својата сала, тогаш ќе создадат предност од два триумфа пред битолчанки кои имаат ефект 2-3. Во меѓусебниот дуел, Универзитет во Тетово ќе игра за вториот, а Фит фан волеј за првиот успех сезонава.

Во Првата лига (мажи) досега непоразени се Струмица 47&72 и ГОК Борец, а поуспешниот од нивната денешна пресметка во салата „Парк“ ќе бидена врвот со биланс 6-0. Фаворитската улога е за домашниот состав којшто е бранителна двојната круна и досега не загуби ниту еден сет. Дербито во Струмица е шанса за Шкендија да напредува на втората позиција доколку слави на гостувањето кај Вардар. Ова би требало да е еден од поинтересните мечеви во шестото коло знаејќи дека црвено-црните кадровски се засилија по неуспешниот почеток со четири порази на четири настапи. Во соседното соочување Штип УГД ќе ја пречека четвртопласираната Весна Пробиштип која досега забележа три триумфи, а со евентуален успех може да направи значаен чекор кон обезбедување билет за Втората фаза-1. За поголеми шанси да биде во друштво на најдобрите шест напролет, на Штип УГД му е потребна трета сезонска победа со којашто би го одржал чекорот со Лирија, а би го минал тимот на Јанта волеј, секако под претпоставка резултатите од натпреварите на конкурентите да бидат реални. Тоа значи Лирија да ја совлада Македонија Џио, а Универзитет во Тетово да биде подобар од Јанта волеј. Во ова коло слободна е екипатана Дибра волеј.

Прва лига (мажи), 6.коло

Струмица 47&72 – ГОК Борец                       (денеска, 17.30)

Вардар – Шкендија                                            (денеска, 18.00)                    

Штип УГД – Весна Пробиштип                       (денеска, 20.00)

Лирија – Македонија Џио                                (денеска, 20.00)

Универзитет во Тетово – Јанта волеј          (денеска, 20.00)

***Слободна е екипата на Дибра волеј

Прва лига (жени), 6.коло

Работнички Скопје – Наковски волеј                3:1 (25:13, 22:25, 25:15, 25:19)   

Вардар жени – Јанта волеј КВ                           (денеска, 18.00)       

Струмица жени – Пелистер волеј                     (денеска, 19.30)  

Универзитет во Тетово – Фит фан волеј         (денеска, 17.30)  

Шкендија го совлада Универзитет во Тетово со3:2 (22:25, 25:20, 25:12, 22:25, 15:13) во дербито на петтото коло во Првата македонска машка одбојкарска лига. Во интересниот натпревар на локалните ривали, домашниот состав беше поумешен, поконцентриран и посреќен во решавачките моменти, па се израдува на четвртата победа сезонава.

Универзитет во Тетово подобро го отвори натпреварот, но не успеа да го задржи ритамот иако расположен беше коректорот Јовица Симовски, кој беше најефикасен на мечот. Сепак, приемот осцилираше, па Шкендија успеваше да се одбрани онолку колку што беше потребно за да ја задржи разликата и на противникот да му го нанесе вториот пораз во четвртиот сезонски настап. На крилјата на публиката, домаќинот имаше поголем број поени од напад (54-47),14 наспроти блока, повеќе асови (10-5), а со тоа ги неутрализираше двете грешки плус (33-31).

Универзитет во Тетово загуби и од актуелниот првак Струмица 47&72,која е водечка на табелата со биланс 4-0 и подобар сет-количник од ГОК Борец и поголем број бодови од Шкендија. Шестото коло за два дена ќе биде уште еден чекор во создавањето панорама на екипите коишто ќе учествуваат во Втората фаза-1 напролет.

Шампионот и велешани ја продолжија победничката низа, пробиштипјани остварија значаен успех против директен ривал за влез меѓу шесте најдобри, а Дибра волеј ја забележа првата победа не само сезонава, туку воопшто откако настапуваат во Првата машка македонска одбојкарска лига. Струмица 47&72 немаше тешка задача на гостувањето кај Јанта волеј за биланс 4-0 по петтото коло, а со оглед дека ОФМ донесе одлука натпреварот од претходната рунда меѓу Лирија и ГОК Борец да биде преигран поради повреда на меѓународните судиски правила, поразот на велешани не важи, па и тие имаат максимален ефект откако во саботата славеа дома над Штип УГД во три сета. По првичниот пораз токму од ГОК Борец, екипата на Весна Пробиштип влезе во ритам, па нанижа три триумфи, последниот исклучително важен на свој терен против Лирија со 3:2. Тимот од Жеровјане има две победи како и Штип УГД и Јанта волеј, но и Универзитет во Тетово кој денеска ќе игра со Шкендија во локалнотодерби во оваа првенствена рунда. Шкендија загуби на теренот на актуелниот првак пред седум дена, но котира високо затоа што претходно славеше трипати, па поради тоа може да се заклучи дека натпреварот со тетовскиот конкурент може да решава за второто место по есенскиот дел. Кој ќе има причини за радост ќе видиме во преносот на МРТ-3 од 19 часот и 55 минути, а резултатот на гостувањето во Струмица беше огромна причина за радост на составот на Дибра волеј којшто ја забележа првата победа откако се натпреварува во Првата лига. Иако дебитантот Македонија Џио ги доби првите два сета, Дибра волеј направи пресврт и со тоа исчекори од дното на табелата.Во ова коло слободен беше Вардар кој лошо ја почна сезоната, но се засили, така што е кандидат за влез во Втората фаза-1

Кај дамите немаше поместувања во пласманот затоа што фаворитките ја потврдија улогата во петтото коло. Наковски волеј славеше кај Пелистер волеј во четири сета и остана прв со биланс 5-0 и со поголем број бодови во однос на Работнички Скопје. Екипата од главнит град беше подобра од Вардар жени со 3:0 и исто како и Наковски има пет победи што е спротивен биланс од црвено-црните. Јанта волеј Кисела вода и Струмица жени се на 4-1 откако бранителките на двојната круна дома беа подобри од Универзитет во Тетово, аструмичанки успешно го минаа гостувањето кај Фит фан волеј.

Во Втората лига кај одбојкарките, Македонија Макс не загуби сет ниту од Бами Кор и го предводи друштвото во коешто три победи има и Вардар ЕМ, кој одмораше во четвртото коло. Исти број успеси имаат и Ускана и Младост УГД, но со натпревар повеќе. Кичевки во саботата ја оправдаа фаворитската улога против ТЕ волеј, а штипјанки го совладаа Виктори волеј на гости. Победа на туѓтерен оствари и Јанта волев Форца, кај дебитантот Куманово со 3:0.

Прва лига (мажи), 5 .коло

Јанта волеј – Струмица 47&72 0:3 (9:25, 13:25, 15:25)

ГОК Борец – Штип УГД 3:0 (25:15, 25:18, 25:15)

Весна Пробиштип – Лирија 3:2 (21:25, 25:21, 25:23, 17:25, 15:7)

Македонија Џио – Дибра волеј 2:3 (25:16, 25:23, 17:25, 19:25, 14:16)

Шкендија – Универзитет во Тетово (денеска, 20.00, пренос МРТ-3)***Слободна беше екипата на Вардар

 
Прва лига (жени), 5 .коло

Пелистер волеј – Наковски волеј 1:3 (10:25, 25:17, 9:25, 13:25)

Вардар жени – Работнички Скопје 0:3 (9:25, 9:25, 10:25)

Јанта волеј КВ – Универзитет во Тетово 3:0 (25:13, 25:22, 25:20)

Фит фан волеј – Струмица жени 0:3 (15:25, 14:25, 16:25

Втора лига (жени), 4 .коло

Македонија Макс – Бами Кор 3:0 (25:16, 25:23, 25:16)

Ускана – ТЕ волеј 3:0 (25:13, 25:16, 25:11)

Куманово – Јанта волеј Форца 0:3 (13:25, 13:25, 19:25)

Виктори волеј – Младост УГД 1:3 (21:25, 13:25, 27:25, 24:26)

***Слободна беше екипата на Вардар ЕМ